ಈ ಪ್ರೀತಿ ಪ್ರೇಮ ಎಲ್ಲಾ

Ganesh M  19 Apr 20  4 Views

ಕಣ್ಣು ಕಣ್ಣನ್ನು ಸೇರಿತು
ಕಣ್ಣು ಮನವನ್ನು ಕೇಳಿತು
ಮನವದು ನಕ್ಕು ನುಡಿಯಿತು
ಈ ಪ್ರೀತಿ ಪ್ರೇಮ ಎಲ್ಲ
ನಮ್ಮಂತವರಿಗೆ ಅಲ್ಲ 


ಮುದ್ದಿನ ಮೊಗವನ್ನು ನೋಡಿದೆ
ಅವಳ ಹಿಂದೆಯೇ ಓಡಿದೆ
ನಿಂತು ನನಗೇ ನಾ ಹೇಳಿದೆ
ಈ ಪ್ರೀತಿ ಪ್ರೇಮ ಎಲ್ಲ
ಕೈಗೆಟುಕದ ಬೆಲ್ಲ


ಎಲ್ಲಿ ನೋಡಿದರಲ್ಲಿ
ಅವಳ ಒಲವ ಸುಳಿಯಲ್ಲಿ
ಸಿಲುಕಿದವರೇ ನಿಲ್ಲಿ
ಈ ಪ್ರೀತಿ ಪ್ರೇಮ ಎಲ್ಲ
ಅನುಭವಿಸಿದವನೆ ಬಲ್ಲ


ಮನದ ಮೂಲೆಯ ತುಡಿತ
ಎದೆಗೆ ಹಿತವಾದ ಕೆರೆತ
ಹೊಟ್ಟೆಪಾಡಿಗೆ ಹೊಡೆತ
ಈ ಪ್ರೀತಿ ಪ್ರೇಮ ಎಲ್ಲ
ಹಸಿವಿನ ಮುಂದೆ ಇಲ್ಲ